កិច្ចប្រជុំពិភាក្សាដោយផ្ទាល់ និងតាមអនឡាញ (Zoom) ស្តីពី «ការត្រៀមរៀបចំកិច្ចពិភាក្សាដើម្បីឈានឆ្ពោះទិវាជាតិសុខភាពមាតា ទារក និងកុមារ ថ្ងៃទី ២១ ខែកុម្ភៈ ឆ្នាំ២០២២» ខាងមុខ

ក្រុមប្រតិបត្តិ នៃក្រុមការងារឥស្សរជនឆ្នើមថ្នាក់ជាតិ នៅថ្ងៃអង្គារ ទី ១ ខែកុម្ភៈ ឆ្នាំ២០២២នេះ បានរៀបចំកិច្ចប្រជុំពិភាក្សាដោយផ្ទាល់ និងតាមអនឡាញ (Zoom) ស្តីពី «ការត្រៀមរៀបចំកិច្ចពិភាក្សាដើម្បីឈានឆ្ពោះទិវាជាតិសុខភាពមាតា ទារក និងកុមារ ថ្ងៃទី ២១ ខែកុម្ភៈ ឆ្នាំ២០២២» ខាងមុខនេះ ដែលកិច្ចប្រជុំនេះប្រព្រឹត្តទៅក្រោមការដឹកនាំពី លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងជាអនុប្រធានអចិន្ត្រៃយ៍ក្រុមការងារឥស្សរជនឆ្នើមថ្នាក់ជាតិ និងអញ្ជើញចូលរួមពីលោកជំទាវ សាស្ត្រាចារ្យ ទុង រដ្ឋាវី ជាគណៈទីប្រឹក្សា និងឯកឧត្តម លោកជំទាវ លោក លោកស្រី ជាអនុប្រធាន សមាជិក សមាជិកានៃក្រុមការងារឥស្សរជនឆ្នើមថ្នាក់ជាតិ សរុបចំនួន ១១នាក់។