ពលរដ្ឋ ប្រទះឃើញគ្រាប់មីន អណ្តែតឡើងមកលើដីក្បែរផ្ទះ
ខេត្តបាត់ដំបង៖ ពលរដ្ឋប្រទះឃើញគ្រាប់មីន អណ្តែតឡើងមកលើដីក្បែរផ្ទះមានគ្រាប់មីន១គ្រាប់ដែលនៅមានគុណភាព ត្រូវបានប្រជាពលរដ្ឋប្រទះឃើញអណ្តែតឡើងមកលើដីក្បែរផ្ទះ ។
ហេតុការណ៍នេះបានកើតឡើង នាថ្ងៃទី ២៦ ខែមីនា ឆ្នាំ២០២២ វេលាម៉ោង ៧ និង ១៥ នាទី ព្រឹកដោយមានប្រជាពលរដ្ឋ ឈ្មោះ ហែម សេរី ភេទស្រី មានទីលំនៅបច្ចុប្បន្ន ផ្ទះលេខ៣៩៩ ក្រុម៨ ភូមិប្រគាប ឃុំរូងជ្រៃ ស្រុកថ្មគោល ខេត្តបាត់ដំបង បានប្រទះឃើញគ្រាប់មីនមួយគ្រាប់បានផុសមកលើដីក្រោយពេលភ្លៀងធ្លាក់ ដែលគ្រាប់នៅស្ថិតនៅក្បែនិងផ្ទះរបស់គាត់តែម្តង។
ក្រោយពេលរាយការណ៍ដើម្បីឲ្យសមត្ថកិច្ចចុះមកពិនិត្យរួចមក ទើបបានដឹងថា គ្រាប់មីននេះម៉ាកMBV78A1 ផលិតនៅប្រទេសរុស្ស៊ី(សម័យសហភាពសូវៀត) ហើយមិនទាន់ផ្ទុះនៅឡើយ បច្ចុប្បន្ន ប៉ុស្តិ៍បានហ៊ុមព័ទ្ធជាសញ្ញាគ្រោះថ្នាក់ ដើម្បីឲ្យកងឯកភាពកំចាត់មីន យកទៅកម្ទេចចោល ព្រមទាំងបានអំពាវនាវដល់ប្រជាពលរដ្ឋទាំងអស់ ត្រូវរាយការណ៍ជាបន្ទាន់នៅពេលឃើញវត្ថុអ្វីម្យ៉ាងដែលមានការសង្ស័យ ៕ អរគុណសន្តិភាព
