មនុស្សចំនួនស្លាប់ ៥នាក់ និងរងរបួស ១០នាក់ ដោយសារគ្រោះថ្នាក់ចរាចរណ៍ទូទាំងប្រទេសដែលកើតឡើងចំនួន ៨លើក

ភ្នំពេញ៖ គ្រោះថ្នាក់ចរាចរណ៍ទូទាំងប្រទេសនៅថ្ងៃទី១៩ ខែឧសភា ឆ្នាំ២០២២នេះ បាន​កើតឡើងចំនួន ៨លើក បណ្តាលឲ្យមនុស្សចំនួនស្លាប់ ៥នាក់ និងរងរបួស ១០នាក់ ដោយក្នុងនោះរបួសធ្ងន់ចំនួន ៩នាក់ និងស្រាលចំនួន ១នាក់ ។

តួលេខស្លាប់ និងរបួស ដោយគ្រោះថ្នាក់ចរាចរណ៍នេះ គឺគិតត្រឹមម៉ោង​៤រសៀលនេះ គ្រោះថ្នាក់ចរាចរណ៍កើតនៅលើរាជធានី.ខេត្តចំនួន៥ មានដូចជា ខេត្តបន្ទាយមានជ័យ របួស ១នាក់ ខេត្តកំពង់​ចាម របួស ១នាក់ ខេត្តកំពង់ស្ពឺ ស្លាប់ ២នាក់ និងរបួស ១នាក់ រាជធានីភ្នំពេញ ស្លាប់ ២នាក់ របួស ៣នាក់ និងខេត្តតាកែវ ស្លាប់ ១នាក់ និងរបួស ៤នាក់។

នេះ​បើយោងតាមរបាយការណ៍របស់អគ្គស្នងការដ្ឋាន​នគរបាលជាតិ ៕ អរគុណសន្តិភាព