ផ្ទះប្រជាពលរដ្ឋពីរខ្នងធ្វើអំពីឈើប្រក់ក្បឿង ត្រូវបានអគ្គិភ័យឆាបឆេះអស់ទាំងស្រុងដោយសារឆ្លងចរន្ដអគ្គិសនីពីទូទឹកកក
ខេត្តព្រៃវែង៖ កាលពីវេលាម៉ោង៨និង៤០នាទីព្រឹក ថ្ងៃទី៣០ ខែឧសភា ឆ្នាំ២០២២ នៅចំណុចភូមិដំបូកធំ ឃុំកញ្ចំ ស្រុកពារាំង ខេត្តព្រៃវែង មានករណីអគ្គិភ័យឆាបឆេះអស់ពីខ្នង ប្រភពពីសមត្ថកិច្ចបានឲ្យដឹងថា ផ្ទះពីរខ្នងដែលត្រូវអគ្គិភ័យឆាបឆេះនោះ ម្ចាស់ឈ្មោះ ម៉ិញ ភី ភេទស្រី អាយុ៤៣ឆ្នាំ ផ្ទះធ្វើអំពីឈើប្រក់ក្បឿង ជញ្ជាំងក្តា មានទំហំ ៩គុណនឹង៨ម៉ែត្រ ត្រូវបានអគ្គិភ័យឆេះអស់ទាំងស្រុង និងសម្ភារៈផ្សេងទៀតសរុបជាទឹកប្រាក់អស់ប្រហែលចំនួន ១៥០០០ដុល្លារ។ ប្រភពដដែលបានបញ្ជាក់ថា ករណីនេះគឺបណ្ដាលមកពីឆ្លងចរន្ដអគ្គិសនីពីទូរទឹកកក ដោយកម្លាំងជំនាញអគ្គិភ័យស្រុកពារាំង បានចេញរថយន្តពន្លត់អគ្គិភ័យជួយអន្តរាគមន៍ចំនួន១គ្រឿង បាញ់ពន្លត់អស់ទឹកចំនួន២រថយន្តទើបរលត់ទាំងស្រុង និងមិនបណ្តាលឲ្យមានមនុស្សរងរបួស ឬស្លាប់នោះទេ៕
