ព្រះករុណាជាអម្ចាស់ជីវិតលើត្បូង និងសម្ដេចព្រះមហាក្សត្រី មុនិនាថ សីហនុ អង្គទាំងទ្វេស្តេចសព្វព្រះរាជហឫទ័យប្រោសព្រះរាជទាន សម្តេចរាជបុត្រីព្រះអនុជ នរោត្តម អរុណរស្មី ចូលក្រាបថ្វាយបង្គំគាល់ ថ្វាយគ្រឿងអលង្ការ និងសំលៀកបំពាក់ថ្មី នៃរបាំព្រះរាជទ្រព្យ
ភ្នំពេញ៖ ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គទាំងទ្វេស្តេចសព្វព្រះរាជហឫទ័យប្រោសព្រះរាជទាន សម្តេចរាជបុត្រីព្រះអនុជ នរោត្តម អរុណរស្មី ឧត្តមប្រឹក្សាផ្ទាល់ព្រះមហាក្សត្រ និងជាព្រះស្ថាបនិកមូលនិធិ មុទិតា យាងដឹកនាំគណៈប្រតិភូ នៃមូលនិធិមុទិតា ចូលក្រាបថ្វាយបង្គំគាល់ ថ្វាយគ្រឿងអលង្ការ និងសំលៀកបំពាក់ថ្មី នៃរបាំព្រះរាជទ្រព្យ ដោយក្នុងនោះរួមមានរបាំអប្សរា ចំនួន ៧ឈុត និងរបាំទេពមនោរម្យ ចំនួន ១២ឈុត ដែលជាព្រះរាជទ្រព្យផ្ទាល់ ក្រោមព្រះរាជូបត្ថម្ភរបស់ព្រះករុណាជាអម្ចាស់ជីវិតលេីត្បូង និងការចូលរួមឧបត្តម្ភពីស្ថានទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា នាវេលាព្រឹកថ្ងៃទី០៤ មិថុនា ឆ្នាំ២០២២ ៕ អរគុណសន្តិភាព
