បើកបរដោយខ្វះការប្រុងប្រយ័ត្ន រថយន្តម៉ាកអាល់ហ្វាត ពណ៍ស អ្នកបើកក្នុងល្បឿនលឿន បង្កឲ្យគ្រោះថ្នាក់មនុស្សនៅក្នុងរថយន្ដ ៤នាក់ និងខូចខាតរថយន្ដទាំងស្រុង
ខេត្ដកំពង់ស្ពឺ៖ នៅរសៀល ថ្ងៃទី០១ ខែកក្កដា ឆ្នាំ២០២២ វេលាម៉ោង៣និង៤៥នាទីរសៀល ត្រង់កំណាត់ផ្លូវល្បឿនលឿន ចំណុចភូមិពាមទុង ឃុំត្រែងត្រយឹង ស្រុកភ្នំស្រួច ខេត្ដកំពង់ស្ពឺ ។
មានរថយន្ត១គ្រឿង ម៉ាកអាល់ហ្វាត ពណ៍ស ស្លាកលេខ ភ្នំពេញ 2BF-8590 បើកបរដោយឈ្មោះ ប៉ក់ ពឿន ភេទប្រុស អាយុ៣៩ឆ្នាំ រស់នៅភូមិព្រៃខ្លា ឃុំព្រៃកណ្ដៀង ស្រុកពាមរក៍ ខេត្តព្រៃវែង អ្នករួមដំណើរ ៤នាក់ ស្រី ១នាក់ ដែលទី១ឈ្មោះ អាន់ ជុងហូ ភេទប្រុស អាយុ៥៧ឆ្នាំ ជនជាតិកូរ៉េ ទី២ឈ្មោះ អុី សហា ភេទប្រុស អាយុ៤០ឆ្នាំ ជនជាតិកូរ៉េ ទី៣ឈ្មោះ គីម យ៉ុងហ៊ុន ភេទប្រុស អាយុ៤៦ឆ្នាំ ជនជាតិកូរ៉េ ទី៤ឈ្មោះ មីន ធីតា ភេទស្រី អាយុ១៨ឆ្នាំ ជនជាតិខ្មែរ។
តាមការអោយដឹងពីជំនាញចរាចរណ៍ស្រុកភ្នំស្រួច លោកវរសេនីយ៍ទោ ពៅ នឿន អធិការនគរបាលស្រុកភ្នំស្រួច ថារថយន្ដបើកបរពីទិសខាងកើតទៅទិសខាងលិច ក្នុងគន្លងខាងឆ្វេងដៃ ដល់ចំណុចខាងលើ បានគេចរថយន្តមួយគ្រឿងទៀត មិនស្គាល់ម៉ាក រួចជាន់ហ្រ្វាំងក្រឡាប់ជាច្រើនជុំ បណ្តាលឲ្យគ្រោះថ្នាក់មនុស្សនៅក្នុងរថយន្ដ ៤នាក់ និងខូចខាតរថយន្ដទាំងស្រុង សមត្ថកិច្ចនគរបាលបានជួយសង្គ្រោះបញ្ជូនជនរងគ្រោះទៅកាន់មន្ទីរពេទ្យ រថយន្តបានយកមករក្សាទុកនៅអធិការដ្ឋាននគរបាលស្រុកភ្នំស្រួច៕ អរគុណសន្តិភាព
