លោកជំទាវកិត្តិសង្គហបណ្ឌិត ម៉ែន សំអន អញ្ជើញប្រគេនទៀនព្រះវស្សា និងទេយ្យវត្ថុ ដល់ព្រះសង្ឃ គង់ចាំព្រះវស្សា នៅវត្តវិហារសំណ

ឆ្នាំនេះនៅតាមវត្តអារាមនានាទូទាំងប្រទេសកម្ពុជា នឹងចាប់ផ្តើមពិធីបុណ្យចូលព្រះវស្សា នៅថ្ងៃព្រហស្បតិ៍ ១រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹង ថ្ងៃទី១៤ ខែកក្កដា ឆ្នាំ២០២២ រហូតដល់ ថ្ងៃចន្ទ ១៥កើត ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹង ថ្ងៃទី១០ ខែតុលា ឆ្នាំ២០២២ ។

ក្នុងកំឡុងពិធីបុណ្យដែលមានរយៈពេល ៣ ខែនេះ ព្រះសង្ឃមិនចាក់ចេញពីវត្តអារាមដើម្បីនិមន្តបិណ្ឌបាត្រដូចពេលធម្មតាទេ ព្រះសង្ឃត្រូវគង់នៅក្នុងបរិវេណវត្តអារាម។

ទោះយ៉ាងណាក៏ដោយ ព្រះសង្ឃអាចទទួលយកការអញ្ជើញនិមន្តរបស់អ្នកកាន់សាសនា និងធ្វើដំណើរចេញនៅពេលថ្ងៃ ប៉ុន្តែមិនអាចនិមន្តទៅទីឆ្ងាយដោយដាច់រាត្រីឆ្លងថ្ងៃនោះឡើយ។

ជាទូទៅ អ្នកកាន់ព្រះពុទ្ធសាសនាថ្វាយទៀនព្រះវស្សា ជាទៀនធំដែលត្រូវបំភ្លឺពេញមួយថ្ងៃនិងយប់ក្នុងឱកាស​ពិធីបុណ្យ ព្រមទាំងប្រេង ស្បងចីវរ និងគ្រឿងឧបភោគបរិភោគផ្សេងៗដល់ព្រះសង្ឃ ។

ទេយ្យវត្ថុដែលបានវេរនិងប្រគេនព្រះសង្ឃក្នុងថ្ងៃនេះរួមមាន ៖ ទៀនបាយសី ០១ គូ, ត្រៃធំ + បាត ០១ ឈុត, អង្គរ ១០០គីឡូក្រាម, មីម៉ាម៉ាថៃ ០១កេសធំ, ត្រីខកំប៉ុង ០១កេស, ស្ករស ៥០គីឡូក្រាម, ប៊ីចេង ១០គីឡូក្រាម, តែស្លឹក ០៣គីឡូក្រាម, ទឹកដោះគោខាប់ ០១កេស, ទឹកសុទ្ធ ១០០កេស, ទឹកក្រូច ២០​កេស, ទឹកត្រី ០២ឡូ, ត្រីងៀត + ត្រីប្រា ១០គីឡូក្រាម, ម្រេច ០២គីឡូក្រាម, នំស្រួយហុងកុង ០២​កញ្ចប់, នំរាយ ABC ០២ធុង, គ្រាប់ស្វាយចន្ទី ០៥គីឡូក្រាម, ចេកអំបូងមាស ០២កេស, តាំងហ៊ុនថៃ ០៥គីឡូក្រាម, ផ្លែឈើស្រស់ ៥មុខ ៥ល្អី, កន្ទេលថៃ ២ដុំ, សាច់ក្រ ៥គីឡូក្រាម បច្ច័យត្រៃធំ ១,២០០​ដុល្លារ ត្រៃធំ (០១ ឈុត ) + បច្ច័យ ២០០ដុល្លារ បច្ច័យចូលព្រះវស្សា ២,០០០,០០០រៀល រំដាប់អង្គ + ១២០,០០០រៀល ២០អង្គ ៕ អរគុណសន្តិភាព