Weir កាន់ដៃកូនក្រមុំចូលរោងការយ៉ាងកក់ក្តៅ
ទិដ្ឋភាពរួមនៃអាពាហ៍ពិពាហ៍ របស់តារាសម្ដែងប្រុស Weir កាន់ដៃកូនក្រមុំ Vicki ចូលរោងការយ៉ាងកក់ក្តៅ ខណៈកម្មវិធីមង្គលនោះ បានប្រារព្ធឡើងយ៉ាងយ៉ាងអធិកអធមខ្លាំង។
ក្នុងវីដេអូមួយ កូនកម្លោះ Weir Sukolwat ស្លៀកឈុតប្រផេះយ៉ាងប្រណិត ចំណែកសំលៀកបំពាក់របស់កូនក្រមុំ Vicki ជារ៉ូបពណ៌ស អមដោយទឹកមុខពោរពេញដោយស្នាមញញឹមនៃសុភមង្គលក្នុងថ្ងៃនេះ។ ក្នុងបរិយាកាសក្នុងពិធីនោះ ពោរពេញទៅដោយក្ដីស្រលាញ់ និងភាពកក់ក្ដៅរបស់គូស្វាមីភរិយាថ្មីថ្មោង រួមទាំងសមាជិកគ្រួសារ សាច់ញាតិ និងមិត្តភ័ក្ដិដែលបានធ្វើដំណើរទៅចូលរួមអបអរសាទរពួកគេទាំងពីរទាំងសប្បាយរីករាយក្នុងចិត្ត។ ទោះបីជាយ៉ាងណា ក្នុងទិដ្ធភាពនោះដែរ គេសង្គេតឃើញថា គ្រប់ផ្លូវនៃកន្លែងដើរចូលកម្មវិធីបង្កើតឡើងស្រដៀងនឹងសួនច្បារខាងក្រោយដូចដែល Weir-Vicki ចង់បាន ព្រោះចង់ឲ្យអ្នកដែលបានចូលរួមព្រឹត្តិការណ៍នេះ មានអារម្មណ៍កក់ក្ដៅ និងសុខស្រួល ដូចជាទៅវិស្សមកាលជាដើម៕ ប្រភព កម្ពុជាថ្មី
