រៀនសូត្រពីគេ ដើម្បីពង្រឹងសមត្ថភាពខ្លួនឯង និងអភិវឌ្ឍន៍សង្គមជាតិ
ភ្នំពេញ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានថ្លែងកោតសរសេីរ និងអបអរសាទរជូនចំពោះនិស្សិតជ័យលាភីអាហារូបករណ៍ថ្នាក់បរិញ្ញាបត្រជាន់ខ្ពស់ទៅសិក្សានៅប្រទេសជប៉ុន តាមរយៈកម្មវិធីអាហារូបករណ៍អភិវឌ្ឍន៍ធនធានមនុស្ស របស់ប្រទេសជប៉ុន (Japan Development Scholarship-JDS 2022) សរុបចំនួន ២៤នាក់ នារសៀល ថ្ងៃទី២៥ ខែកក្កដា ឆ្នាំ២០២២ នៅទីស្តីការក្រសួងបរិស្ថាន។
ឆ្លៀតក្នុងឱកាសនោះ ឯកឧត្តមរដ្ឋមន្រ្តី បានមានប្រសាសន៍ថា នេះជាមោទនភាពថ្មីមួយទៀតរបស់រាជរដ្ឋាភិបាល ក៏ដូចជាសង្គមជាតិទាំងមូល ដែលមានមន្ត្រីរាជការវ័យក្មេង ប្រកបដោយសក្កានុពល ទេពកោសល្យ និងវិជ្ជាជីវៈ ទទួលបានឱកាសដ៏មានតម្លៃ ដើម្បីក្រេបយកនូវចំណេះដឹងនៅជប៉ុន ចំណេះធ្វើ ភាពម្ចាស់ការ និងភាពជាអ្នកដឹកនាំ ដែលជាប្រយោជន៍សម្រាប់ចែករំលែកបទពិសោធន៍ទាំងនោះទៅដល់សហការី និងយកចំណេះជំនាញទៅអភិវឌ្ឍន៍ស្ថាប័ន និងសង្គមជាតិ ជាពិសេស ត្រូវរៀនសូត្រពីគេ ដើម្បីពង្រឹងសមត្ថភាពខ្លួនឯង និងយកចំណេះជំនាញមកអភិវឌ្ឍន៍នាវាកម្ពុជា៕ ប្រភព ក្រសួងបរិស្ថាន
