អបអរសាទរកីឡាការិនី វិត ចន្ថា ទទួលបានមេដាយមាស លើវិញ្ញាសារលោតចម្ងាយ ក្នុងព្រឹត្តិការណ៍អាស៊ានប៉ារ៉ាហ្គេម លើកទី១១
បរទេស៖ អបអរសាទរកីឡាការិនី វ៉ិត ចន្ថា ដែលទទួលបានមេដាយមាស លើវិញ្ញាសាលោតចម្ងាយ ក្នុងព្រឹត្តិការណ៍កីឡាអាស៊ានប៉ារ៉ាហ្គេម ឆ្នាំ២០២២ ដែលជាមេដាយទី ២ របស់កម្ពុជាគិតត្រឹមព្រឹកនេះ ដែលមេដាយមាសដំបូង ត្រូវបានទទួលពីវិញ្ញាសារកីឡាបាល់បោះនារី កាលពីម្សិលមិញ។ កីឡាករ កីឡាការិនីទាំងអស់ បានខិតខំប្រឹងប្រែងយ៉ាងសស្រាក់សស្រាំដើម្បីដណ្តើមបានជ័យជម្នះ និងកិត្តិយសជូនជាតិមាតុភូមិ។ ពួកយើងនៅទីនេះ ជាអ្នកគាំទ្របងប្អូនទាំងអស់គ្នា!
គួរបញ្ចាក់ផងដែរ គណៈប្រតិភូកីឡាប៉ារ៉ាឡាំពិកកម្ពុជា ដឹកនាំដោយ ឯកឧត្តម ហ៊ុន ម៉ានី បានទៅចូលរួមការប្រកួតកីឡាអាស៊ានប៉ារ៉ាហ្គេម លើកទី១១ នៅទីក្រុងសូឡូ ប្រទេសឥណ្ឌូនេស៊ី ដែលនឹងធ្វើការប្រកួតចំនួន ១១ វិញ្ញាសារ លើ ១៤។ គិតត្រឹមព្រឹកថ្ងៃទី១ ខែសីហា ឆ្នាំ២០២២នេះ អត្តពលិកកម្ពុជាឈ្នះបានមេដាយសរុប ៣គ្រឿងរួមមាន មាស២ និងសំរឹទ្ធ១ ៕ អរគុណសន្តិភាព
