លេខាធិការដ្ឋានជាតិអាយប៉ា-កម្ពុជា រៀបចំធ្វើបទបង្ហាញអំពីនីតិវិធី និងរបៀបរបបការងាររៀបចំមហាសន្និបាតអាយប៉ាលើកទី៤៣ ព្រមទាំងកិច្ចប្រជុំពាក់ព័ន្ធ
នៅវិមានរដ្ឋសភា នាព្រឹកថ្ងៃទី៥ ខែកញ្ញា ឆ្នាំ២០២២ លេខាធិការដ្ឋានជាតិអាយប៉ា-កម្ពុជា ដឹកនាំដោយ ឯកឧត្តម ឡេង ប៉េងឡុង ប្រធានលេខាធិការដ្ឋានជាតិអាយប៉ា-កម្ពុជា រួមជាមួយ លោកជំទាវ Nguyen Tuong Van អគ្គលេខាធិការអន្តរសភាអាស៊ាន (AIPA) នៅហ្សាការតា និងមន្រ្តីជាន់ខ្ពស់មួយរូប មកធ្វើបទបង្ហាញអំពីនីតិវិធី និងរបៀបរបបការងាររៀបចំមហាសន្និបាតអាយប៉ាលើកទី៤៣ ព្រមទាំងកិច្ចប្រជុំពាក់ព័ន្ធ ជូនដល់ ឯកឧត្តម លោកជំទាវ ប្រធានដឹកនាំអង្គប្រជុំ អ្នករាយការណ៍ ប្រធាន និងសមាជិក-សមាជិកា គណៈប្រតិភូសភាកម្ពុជា ដឹកនាំ និងចូលរួមមហាសន្និបាតអាយប៉ា លើកទី៤៣ និង ឯកឧត្តម លោកជំទាវ ប្រធាន អនុប្រធាន និងសមាជិក-សមាជិកា នៃអនុគណៈកម្មការទី១ ទី២ ទី៣ ទី៤ ទី៥ ទី៦ និងក្រុមប្រឹក្សាយោបល់ នៃគណៈកម្មការរៀបចំមហាសន្និបាតអាយប៉ាលើកទី៤៣ ព្រមទាំងមន្រ្តីលេខាធិការដ្ឋានអាយប៉ា-កម្ពុជា ៕ អរគុណសន្តិភាព
