Breaking : ជនសង្ស័យមួយក្រុម ជិះរថយន្ត ចំនួន២គ្រឿង មកដល់មុខខុនដូរ THE SKY LINE ហើយបានដកកាំភ្លើង បាញ់រះជាង១០គ្រាប់

ភ្នំពេញ៖ ពិតជាព្រហើនមិនខ្លាចច្បាប់មែន ជនសង្ស័យមួយក្រុម ជិះរថយន្ត ចំនួន២គ្រឿង មកដល់មុខខុនដូរ THE SKY LINE ហើយបានដកកាំភ្លើង បាញ់រះជាង១០គ្រាប់ ក្រោយពេលបាញ់ បាចរូបថតជាច្រើនសន្លឹកពាសពេញផ្លូវ រួចបើករថយន្តចេញពីកន្លែងកើតហេតុបាត់ ដោយបន្សល់ទុករូបថតជាច្រើនសន្លឹកនៅកន្លែងកើតហេតុ នៅក្នុងរូបទាំងនោះ សុទ្ធតែជាជនបរទេសប្រុសស្រីជាច្រើននាក់ ដោយនៅផ្នែកខាងក្រោយនៃរូបថតមានអក្សរជាច្រើនតួរ ដែលមានភាសារខ្មែរ វៀតណាម និងចិនផងដែរ អក្សរទាំងនោះ បានបញ្ជាក់ថា អោយ ប្រយ័ត្ននៅតាមផ្លូវ។ ហេតុការណ៍បាញ់រះ ដោយមិនញញើតដៃនេះ កើតឡើងកាលពីម៉ោងជា២រំលងអធ្រាត្រ ឈានចូលថ្ងៃទី២០ ខែតុលា ឆ្នាំ២០២២ ស្ថិតនៅតាមបណ្តោយផ្លូវលេខ១៣៤ ស្ថិតនៅត្រង់ចំណុចខុនដូរមួយកន្លែងដែលមានស្លាកយីហោ THE SKY LINE (ដឹស្កាយឡាញ) សង្កាត់វាលវង់ ខណ្ឌ៧មករា គឺស្ថិតនៅជិតប៉ុស្តិ៍នគរបាលវាលវង់តែម្តង៕ អរគុណសន្តិភាព