តារាចម្រៀង មាសសុខ សោភា អ្នករិះគន់ ចុះអ្នកវិញ តើអ្វីទៅសេចក្តីសុខរបស់អ្នកខមមិនប្រាប់បន្តិចមក

សិល្បៈ ៖ ទស្សនិកជន និងអ្នកគាំទ្របានដឹងហើយថា តារាចម្រៀងអ្នកនាង មាស សុ ខសោភា ថ្នីៗនេះបានរងការរិះគន់ដោយមិនសំចៃមាត់តាមបណ្តាញសង្គម ក្រោយស្លៀកពាក់ឈុតសិចស៊ីបញ្ចេញសាច់ខ្ចីមួយល្វែងក្រោយខ្នង។
ពុំមែនជាលើកទី១នោះទេ តារាចម្រៀង មាសសុខ សោភា ហាក់មិនខ្វល់ពីការរិះគន់ យើងក៏បានដឹងមកហើយថា កាលពីប៉ុន្មាន​ថ្ងៃមុន ក៏ត្រូវបានតារាចម្រៀងលោក ម៉ៃ សុគន្ធ ធ្វើការរិះគន់ទៅលើរូបថតស្លៀកពាក់បញ្ចេញភាពសិចស៊ីរួចមកហើយ ប៉ុន្តែនាងពុំមានប្រតិកម្មឆ្លើយតបឡើយ អ្នកនាងនិយាយថា គិតរឿងល្អៗ នេះជាផ្នែកមួយនៃសេចក្តីសុខនៃជីវិត ជាការពិត ត្រឹមតែមានការវែកញែកពីសំណាក់អ្នកគាំទ្រមួយចំនួនដោយមានអ្នកខ្លះគាំទ្រ និងខ្លះទៀតរិះគន់ជាបន្តបន្ទាប់។
តារាចម្រៀង មាស សុខសោភា បានបញ្ជាក់ដូច្នេះថា បរិយាកាសល្អៗជាមួយអ្វីល្អៗគិតរឿងល្អៗហើយដកដង្ហើមវែងៗទាំងនេះក៏ជាផ្នែកមួយនៃសេចក្តីសុខរបស់ខ្ញុំ ចុះអ្នកវិញតើអ្វីទៅសេចក្តីសុខរបស់អ្នកខមមិនប្រាប់បន្តិចមក ។
តារាចម្រៀង មាស សុខសោភា ក៏បានបង្ហាញខ្លួនតាមរយៈការស្លៀកពាក់សម្ញែងភាពសិចស៊ីថ្មីៗទៀត ធ្វើឲ្យអ្នកគាំទ្រសម្តែងការមិនពេញចិត្ត និងរិះគន់ទៅលើរូបនាង។
ការរិះគន់បានកើតឡើងក្រោយពីគណនី ទីកតុក មួយបានបង្ហោះវីដេអូបង្ហាញពីសកម្មភាពតារាចម្រៀងអ្នកនាង មាស សុខសោភា កំពុងច្រៀងចម្រៀងយ៉ាងពីរោះរណ្តំ តែអ្នកទស្សនាបានចាប់ច្បិចយកនូវសម្លៀកបំពាក់ឈុតរាត្រីសមោលស ដែលបានបញ្ចេញសាច់ខ្នងមើលឃើញទាំងស្រុងតែម្តង៕ អរគុណសន្តិភាព