លោកឧកញ៉ា ស្រី ចាន់ថន ៖ គុនខ្មែរយេីងនឹងមានឈ្មោះល្បីល្បាញរន្ទឺនាពេលខាងមុខនេះ
ភ្នំពេញ: ថ្ងៃទី៩ ខែកក្កដា ឆ្នាំ២០២៣ ក្នុងកិច្ចសម្ភាសន៍ជាមួយនឹងអង្គភាពសារព័ត៌មានMTV និងលោកឧកញ៉ា ស្រី ចាន់ថន អនុប្រធានកិត្តិយសសហព័ន្ធកីឡាប្រដាល់គុនខ្មែរ និងជាប្រធានក្លឹបគុនខ្មែរជើងឯកពិភពលោក ដោយក្នុងនោះលោកឧកញ៉ាបានមានប្រសាសន៍ថា លោកនឹងខិតខំប្រឹងប្រែងជួយបន្តការផ្សព្វផ្សាយ ដើម្បីស្វែងរកការគាំទ្រ និងទទួលស្គាល់គុនខ្មែរយេីង នៅលេីឆាកអន្តរជាតិ និងជួយអភិវឌ្ឍគុនខ្មែរឱ្យមានឈ្មោះល្បីល្បាញខ្ទរខ្ទារជុំវិញពិភពលោក។
លោកឧកញ៉ា ស្រី ចាន់ថន មានប្រសាសន៍ថា លោកពិតជាអរគុណខ្លាំងណាស់ ដែលលោកឧកញ៉ា អ្នកឧកញ៉ា លោក លោកស្រី បានរួមគ្នាលេីកតម្កេីនគុនខ្មែរយេីង ហេីយលោកសង្ឃឹមថា លោកឧកញ៉ា អ្នកឧកញ៉ា លោក លោកស្រី នៅតែបន្តសកម្មភាពនេះ ជារៀងរហូត។
លោកឧកញ៉ា ស្រី ចាន់ថន បានបញ្ជាក់ថា នេះជាមហិច្ឆតានៃគោលដៅរបស់ខ្មែរយើង ដែលត្រូវតែខិតខំដើរឱ្យដល់កម្រិតពិភពលោក ហេីយ យើងត្រូវរៀបចំគុនខ្មែរ អោយមានស្តង់ដារតែមួយ ជាលក្ខណៈអន្តរជាតិ។ ហេីយកន្លងមកនេះ លោកបានកំណត់គោលដៅជាច្រេីនកន្លងមក ដើម្បីបញ្ជ្រាបការផ្សព្វផ្សាយ និងអភិរក្សគុនខ្មែរយេីង ទៅកាន់ឆាកអន្ដរជាតិ ពេលនេះពេលនេះលោកកំពុងបង្កើនគុណភាពគ្រូបង្វឹក ក៏ដូចជាកីឡាករគុនខ្មែររបស់កម្ពុជាយេីងឱ្យមានសមត្ថភាពរឹងមាំ ដើម្បីទៅចូលរួមប្រកួតលេីឆាកជាតិ និងអន្ដរជាតិ។
