ពាក់ព័ន្ធនឹងករណីឆក់ការបូបប្រាក់មានស្ថានទំងន់ទោស និងប្រើអំពើហិង្សា សមត្ថកិច្ចឃាត់ខ្លួនបានជនសង្ស័យ ២នាក់
ភ្នំពេញ៖ នៅថ្ងៃទី០៩ ខែកក្កដា ឆ្នាំ២០២៣ វេលាម៉ោង ១១និង៣០នាទី ចំណុចក្រុម៥ ផ្លូវ៦២R ភូមិទួលសំពៅ សង្កាទួលសង្កែ១ ខណ្ឌឫស្សីកែវ កម្លាំងប៉ុស្តិ៍នគរបាលរដ្ឋបាលសង្កាត់ទួលសងែ្ក បានឃាត់ខ្លួនជនសង្ស័យ ២នាក់ ពាក់ព័ន្ធនឹងករណីលួចមានស្ថានទំងន់ទោស ដោយសារប្រើអំពើហិង្សា ឆក់ការបូបប្រាក់ ។
នគរបាលបានឲ្យដឹងថា ជនរងគ្រោះឈ្មោះ ស៊ាង រតនា ភេទស្រី អាយុ២៣ឆាំ្ន មុខរបរកម្មកររោងចក្រ មានទីលំនៅបន្ទប់ជួលក្រុម៤ ផ្លូវលំ ភូមិទួលសងែ្ក សងា្កត់ទួលសងែ្ក១ ខណ្ឌឫស្សីកែវ ។ ជនសង្ស័យមានគ្នាចំនួន២នាក់ ទី១៖ ឈ្មោះ គឹម លីណា ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅបន្ទប់ជួលបឹងកក់ សង្កាត់ស្រះចក ខណ្ឌដូនពេញ (មានសារធាតុញៀន) ឃាត់ខ្លួន និងទី២៖ ឈ្មោះ សន រីម ភេទប្រុស អាយុ ២៧ឆាំ្ន មុខរបរមិនពិតប្រាកដ សា្នក់នៅបន្ទប់ជួលសងា្កត់បឹងកក់២ ខណ្ឌទួលគោក (មានសារធាតុញៀន) ឃាត់ខ្លួន ។ សម្ភារៈដកហូតរួមមាន -ម៉ូតូ១គ្រឿង ម៉ាក HONDA. BEAT ពណ៌សលាយខៀវ ស្លាកលេខ កណ្តាល 1Z.0386 របស់ជនសង្ស័យ គឹម លីណា -កាបូបប្រាក់មួយ ពណ៌ស ក្នុងនោះមាន -ទូរស័ព្ទចំនួន ២គ្រឿង ម៉ាកXIAOMI 11LITE (096 7632264 របស់ជនរងគ្រោះ និងម៉ាក SAMSUNG NOTE20 ( 087 769777 របស់ជនរងគ្រោះ -ប្រាក់ចំនួន១០០$ (មួយរយដុលា្លរ) -ប្រាក់រៀលចំនួន ២៦,០០០០រៀល (ម្ភៃប្រាំមួយមុឺនរៀល ) បច្ចុប្បន្នទូរស័ព្ទដៃនិងប្រាក់ បានប្រគល់ជូនមា្ចស់វិញ ។
ប្រភពឲ្យដឹងថា នៅក្នុងថ្ងៃខែឆ្នាំខាងលើនេះដែរ ជនរងគ្រោះកំពុងជិះម៉ូតូពីរនាក់ប្តីប្រពន្ធ ចេញពីផ្សារម៉ាក្រូមកផ្ទះនៅ ភូមិទួលសង្កែ លុះមកដល់ចំណុចក្រុម៥ ផ្លូវ៦២R ភូមិទួលសំពៅ ស្រាប់តែមានជនសង្ស័យចំនួន២នាក់ ជិះម៉ូតូ១គ្រឿង ម៉ាក HONDA BEAT ពណ៌សលាយខៀវ សា្លកលេខ កណ្តាល 1Z.0386 ផលិតឆាំ្ន២០១៨ ជិះមកអែបក្បែរ រួចធើ្វសកម្មភាពឆក់កាបូបប្រាក់ពីជនរងគ្រោះ កំពុងជិះម៉ូតូពីរនាក់បី្តប្រពន្ធ បានសំរេចហើយក៏ជិះម៉ូតូរត់គេចខ្លួន ត្រូវជនរងគ្រោះស្រែកចោរៗផ្អើលឆោឡោផ្អើលដល់អ្នកជិតខាង កម្លាំងសមត្ថកិច្ចជួយអន្តរាគមន៍ឃាត់ជនសង្ស័យបាន ២នាក់ យកមកប៉ុស្តិ៍ ដើម្បីបន្តនីតិវិធី កម្លាំងអធិការដា្ឋនកំពុងកសាងសំណុំរឿង បញ្ជូនតាមនីតិវិធី ៕ អរគុណសន្តិភាព
