ប្រធានាធិបតីហ្វីលីពីន និយាយថា កិច្ចខិតខំប្រឹងប្រែងការទូតជាមួយប្រទេសចិន ឆ្ពោះទៅរក “ទិសដៅមិនល្អ”

យោងតាមការចេញផ្សាយរបស់វិមានប្រធានាធិបតី ក្នុងបទសម្ភាសន៍ជាមួយប្រព័ន្ធផ្សព្វផ្សាយជប៉ុនកាលពីថ្ងៃទី១៦ ខែធ្នូ ដែលផ្នែកខ្លះត្រូវបានចែករំលែកជាមួយប្រព័ន្ធផ្សព្វផ្សាយហ្វីលីពីនកាលពីថ្ងៃចន្ទ លោក Marcos បាននិយាយថា កិច្ចខិតខំប្រឹងប្រែង​ការទូតបែបប្រពៃណីកំពុងមិនត្រូវបានយកចិត្តទុកដាក់ដោយប្រទេសចិន។

លោក Marcos ដែលកំពុងនៅក្នុងប្រទេសជប៉ុនសម្រាប់កិច្ចប្រជុំកំពូលរំលឹកខួបអនុស្សាវរីយ៍របស់ទីក្រុងតូក្យូជាមួយសមាគមប្រជាជាតិអាស៊ីអាគ្នេយ៍ (អាស៊ាន) បាននិយាយថា “មកដល់ចំណុចនេះ យើងបានប្រើវិធីសាស្ត្រការទូតប្រពៃណី… ប៉ុន្តែយើងបាននឹងកំពុងធ្វើកិច្ចការនេះអស់រយៈពេលជាច្រើនឆ្នាំហើយជាមួយនឹងការរីកចម្រើនតិចតួចបំផុត”។

លោកបានបន្តថា “នេះជាពេលវេលាសម្រាប់ប្រទេសទាំងពីរដែលពាក់ព័ន្ធនឹងស្ថានភាពនេះ ត្រូវមានផែនការជាក់លាក់សម្រាប់ផ្លាស់ប្តូរស្ថានភាពមួយ” ខណៈដែលលោក Marcos បាននិយាយម្តងទៀតថា ប្រទេសហ្វីលីពីនចង់ជៀសវាងជម្លោះហិង្សា៕ MANILA, Dec 19